Сүрия Мөхәммәт кызы Габделганиева бүген үзенең 55 яшьлек күркәм юбилеен билгеләп үтә

«Борнак» җәмгыятендә озак еллар сыер савучы булып эшләүче Сүрия Мөхәммәт кызы Габделганиева 3 апрель көнне үзенең 55 яшьлек күркәм юбилеен билгеләп үтә.
Хөрмәтле Сүрия Мөхәммәтовна! Шушы истәлекле көнегездә бездән бары тик иң изге теләкләребезне кабул итсәгез иде. Терлекчелек тармагында озак еллар намуслы, нәтиҗәле хезмәтегез өчен Сезгә рәхмәтебезне җиткерәбез. Алдагы тормышыгызда ныклы сәламәтлек, җан тынычлыгы, авыр һәм тынгысыз хезмәтегездә бары тик уңышлар гына насыйп булсын, балаларыгызның игелекләрен генә күреп яшәргә язсын.

Нурлы еллар гына киләчәккә
Сезне мәңге озата барсыннар.
Сезнең өчен нәни шатлыклар да
Бәхет булып яфрак ярсыннар.

Иң изге теләкләр белән «Борнак» җәмгыяте коллективы