Әниләр көне уңаеннан Нәфис Косметикс мөмкинлеге чикле балаларның әниләрен бүләкләр белән куандырды

Казанда Әниләр көне алдыннан Нәфис Косметикс мөмкинлекләре чикле балалар тәрбияләүче хатын-кызларны котлады. Компания үз продукциясенең 48 җыелмасын «Тылсым» инклюзив үзәгендә шөгыльләнүче әниләргә бүләк итте.

Барлыгы 275 кг продукция тапшырылган: һәр җыелмага кер юу порошогы, гель һәм кер юу капсулалары, савыт-саба юу сыеклыгы, каты һәм сыек сабын кергән.

"Якты һәм яхшы бәйрәм алдыннан без авыр вәзгыятьтә бирешмәгән һәм ана булу көчен башкалардан тирәнрәк аңлаган хатын-кызларга ярдәм итәргә телибез. Һәр әнигә сәламәтлек, энергия һәм шатлыклы мизгелләр телибез!",- ди Нәфис Косметикс генераль директоры Динә Лаврикова.

«Тылсым» балалар инклюзив үзәге 2024 елдан бирле эшли һәм «Игелекле Казан» АКО проекты булып тора. Ул махсус ихтыяҗлары булган балаларга социализацияләнергә, аларны укыту һәм үстерү өчен шартлар тудырырга ярдәм итә. Үзәк базасында адаптив иҗат өчен кабинет, спорт залы, инклюзив кафе, индивидуаль психологик консультацияләр өчен кабинет, укыту-тренировка фатиры эшли. «Тылсым» да 2 яшьтән 14 яшькә кадәрге балалар шөгыльләнә.