«Бердәм Россия» махсус хәрби операциядә катнашучыларга эш эзләү өчен платформа булдырачак

«Бердәм Россия» SuperJob ярдәме белән махсус хәрби операция ветераннарын эшкә урнаштыру өчен махсус платформа эшли. Сервис бөтен Россия буенча булачак һәм катнашучыларны шәхси мәгълүматларны көчәйтелгән яклау белән тәэмин итәчәк. 

Кадрлар системасы кандидатларның һөнәри тәҗрибәсен исәпкә алып тәкъдимнәр сайлап алачак. Белем, стаж һәм алдагы вазыйфалардан тыш, эш эзләүчене бәяләгәндә хезмәт вакытында алган күнекмәләр дә исәпкә алыначак. Платформада икътисадның югары технологияле тармакларында, оборона-сәнәгать комплексы предприятиеләрен дә кертеп, вакансияләр тәкъдим итү планлаштырыла.

Яңа юнәлешне үзләштерергә теләгән ветераннар өчен квалификацияләрен үзгәртү буенча төрле курслар каралачак. Программалар мәгариф оешмалары, шул исәптән «Синергия»университеты белән берлектә гамәлгә ашырылачак.

Шулай ук проект өстендә эшләүгә төрле оешмаларны җәлеп итү планлаштырыла: «Ватанны саклаучылар» фонды, дәүләт мәшгульлек хезмәте, «Россия эше» сервисы һәм башкалар. Алар проектта катнашучыларга һөнәри юнәлеш бирүдә, эшкә урнашуның туры килә торган вариантларын әзерләүдә һәм эзләүдә ярдәм итәчәк.

«Бердәм Россия» дә билгеләп үтүләренчә, ветераннарга эш табарга ярдәм итү генә түгел, ә аларның инициативаларын алга таба үстерү өчен шартлар тудыру да мөһим. 

Махсус хәрби операциядә катнашучылар өчен махсуслаштырылган платформа булдыру «Есть результат!» партиясенең хисап-программа форумында тәкъдим ителгән тәкъдимнәрнең берсе булды.

Вести Татарстан