Биш чакрым җәяүле маршрут: Казанда Түбән Кабан күле ничек үзгәрәчәк

Түбән Кабан күле яр буен төзекләндерүнең өченче чираты актив фазага күчте. Казан мэры Илсур Метшин һәм Татарстан төзелеш, архитектура һәм ТКХ министры Марат Айзатуллин эшләрнең барышын тикшерделәр.

Хәзер күлдә субайлар урнаштыралар, аларда су өстенә җәяү йөрү өчен түшәмнәр һәм күзәтү мәйданчыклары урнаштырылачак. Эшләр берьюлы берничә участокта алып барыла.

Төзекләндерүнең беренче этабын шәһәр һәм Республика көненә тәмамларга планлаштыралар. Түбән Кабан күле тирәсендә барлык эшләр тәмамланганнан соң, биш чакрымга якын сузылган бердәм җәяүле маршрут барлыкка киләчәк.

"Төзекләндерүнең өченче чиратының беренче этабын без шәһәр һәм Республика көненә төгәлләргә планлаштырабыз. Безнең бурыч – яңа яшелләндерү дә, җәяүлеләр сукмаклары да, яктырту да, күзәтү мәйданчыклары да киңлеккә органик рәвештә туры килсен. Бу территория яңа төсләр белән уйный башлар һәм Казанны төзекләндерүнең тагын бер мөһим объекты булыр дип өметләнәбез", - диде Казан мэры Илсур Метшин.

ТНВ