Кара карга килгән, күрдегезме?

Яз хәбәрчеләре, Кара каргалар кайта башлады. Беркөнне берсе район үзәгендә җәяүле сукмагында йөри иде. Үтеп киткәннәрдән дә курыкмый. Адәм баласыннан куркып тормый торганнарга әйләнеп кайта бугай хәзер кошлар да. Карга килгәнгә куанырга кушалар, без дә куаныйк, килер язларга иминлек, тормышларга бәрәкәт телик! Карга кайтты дип карга боткасы пешерүчеләр дә бардыр әле! Чыннан да, бармы андыйлар? Булса, комментарийга языгыз әле.