«Күрше» халык конкурсында җиңүче райондашыбызны бүләкләделәр
Һәр катнашучыга ишегалдында вакыйгалар үткәрү өчен җыелмалар тапшырылды
Яр Чаллының ИТ-паркында «Күрше» халык конкурсында җиңүчеләрне бүләкләү тантанасы узды. Бөтен республикадан 65 катнашучы — төп этапта 63 җиңүче һәм халык тавыш бирүенең 2 лидеры бергә очраштылар.
Алдан хәбәр иткәнебезчә җиңүчеләр арасында «Хыял» яшьләр үзәге директоры Гадил Таһир улы Гарифуллин да бар. Әлеге проект нигезендә ул үзенең командасы белән Балтач бистәсенең 4 ишегалдында онытылып баручы ишегалды уеннары белән чаралар уздырачак.
Бүләкләү тантанасында катнашучылар булачак ишегалды вакыйгалары турындагы идеяләр белән уртаклаштылар, контактлар белән алмаштылар һәм чараларга үзара визитлар турында килештеләр.
Һәр катнашучыга ишегалдында вакыйгалар үткәрү өчен җыелмалар тапшырылды: баннерлар, флаглар, япмалар һәм банданалар. Болар сувенирлар гына түгел, җиңүчеләргә әлеге чараларны брендлаштырырга һәм үз ишегалларында яшәүчеләрне чараларга җәлеп итәргә ярдәм итәчәк.
Гадил Гарифуллинга һәм аның командасына киләчәктә уңышлар телибез.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Галерея
Оставляйте реакции
Нет комментариев