Рөстәм Миңнеханов Тәтеш районында яңартылган «Чайка» лагеренда булды

Татарстан Республикасы Рәисе Рөстәм Миңнеханов Тәтеш районында «Чайка» балаларны савыктыру лагеренда булды, анда капиталь ремонт нәтиҗәләре белән танышты.

Лагерь 1931 елда төзелгән бинада урнашкан, ул төрле елларда төрле социаль учреждениеләр өчен кулланылган. 2017 елда биредә балалар лагере оештырырга карар кылынды: ул вакытта ашханә бинасы һәм бер йокы корпусы төзелеп бетте. Алдагы елларда инфраструктура киңәйде — медпункт, контроль‑үткәрү пункты, җылылык челтәрләре булган котельная барлыкка килде. Агымдагы елда объектта ремонт һәм төзелеш‑монтаж эшләре башкарылган. Рөстәм Миңнехановка яңартылган биналарны күрсәттеләр. Җәйге сезонда лагерь 7 сменага кадәр кабул итә.

Лагерь янында республика әһәмиятендәге һәйкәл — Молоствовлар утары урнашкан. Аның архитектурасы уникаль: ул Татарстанда Шотландия замогы стилендә эшләнгән бердәнбер авыл дворян утары. Республика Рәисенә тарихи-архитектура һәм табигый мирасның сирәк ярашуы турында мәгълүмат җиткерделәр. Аерым алганда, 4 километрдан артык озынлыктагы (яше — 127 ел) Себер карагачлары аллеясы һәм 137 еллык таулы алтай чыршысы билгеләп үтелде.

Вести Татарстан