Татарстанда 2026 ел башыннан оешмалар әйләнеше 3,3 процентка арткан

2026 елның гыйнвар-март нәтиҗәләре буенча эшчәнлекнең барлык төрләре оешмалары әйләнеше, кече бизнесны да кертеп, 3,1 трлн сум тәшкил иткән. Бу 2025 елның шул ук чоры белән чагыштырганда 3,3%ка күбрәк, дип хәбәр итә Татарстанстат.

2026 елның мартында Татарстанда компанияләр әйләнеше 1,2 трлн сумга җитте, бу узган елның март күрсәткеченнән 18,4% ка югарырак.

Эшчәнлекнең аерым өлкәләрен карасак, әйләнешнең иң зур үсеше кунакханә бизнесы һәм җәмәгать туклануы предприятиеләрендә теркәлгән – бер ел эчендә 26,4%ка, беренче квартал нәтиҗәләре буенча 26,8 млрд сумга кадәр арткан.

Шулай ук һөнәри, фәнни һәм техник эшчәнлек белән шөгыльләнүче компанияләр (+21,2%, 43,5 млрд сумга кадәр), башка хезмәтләр өлкәсе оешмалары (+20,8%, 2,3 млрд сумга кадәр) һәм мәгариф предприятиеләре (+19,2%, 9,7 млрд сумга кадәр) сизелерлек үсеш күрсәтте.

Вести Татарстан