Татарстанда яңа шәхси йортларның уртача мәйданы билгеле булды
Агымдагы елның беренче өч аенда республикада 1,6 млн кв.метрдан артык торак сафка бастырылган
Татарстанда бер шәхси торак йортның уртача күләме 136,2 кв. метрга җитте.
2026 елның беренче кварталы статистикасы буенча, республика халкы шәхси һәм заем акчаларына 7 183 шәхси йорт төзегән. Аларның гомуми мәйданы 978,1 мең кв. метр тәшкил иткән, бу төбәктә файдалануга тапшырылган барлык торак күләменең 60,6% тәэмин иткән.
Шуның белән параллель рәвештә 2026 елның гыйнвар-март айларында Татарстан предприятиеләре һәм оешмалары көче белән 12 749 фатир тапшырылган. Әлеге торак фондының гомуми мәйданы 635,4 мең кв. метр тәшкил иткән.
Агымдагы елның беренче өч аенда республикада 1,6 млн кв.метрдан артык торак сафка бастырылган. Әлеге күрсәткеч 2025 елның шул ук чоры нәтиҗәләреннән 6,8% ка артыграк.
Новости Татарстана-ТатарстанДа
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев