Асьмеос - нырысетӥ!

Та форумлэн ужпумез – пӧртэм регионъёсын государственной йӧскалык политикаез улонэ пыӵатонъя опытэн тодматон, та ӧрын ужъёслы перспективаос сярысь кенешон.

Отчы пыриськем Татарстанлэн делегатъёсыз пӧлын ТР-ысь удмуртъёслэн НКА-зылэн Правлениезлэн председателез Андрей Сергеевич Герасимов но вал. Форумлэн ужаз пыртэмын вал пӧртэм калыкъёслэн ог-огенызы кусыпъёсты возён, шаерысьтымы калыкъёслэн этнокультурной азинтӥськонзы сярысь вераськонъёс, озьы ик дунъет сётэмын вал та ӧрын ужась проектъёслэн быдэстӥськемзылы. Ӵапак та ласянь быдэстэм ужъёсты лыдэ басьтыса, 85 регионъёсысь мерлыко огазеяськонъёс куспын А. С. Герасимов нырысетӥ интые потэм. Та бадӟым вормонэныз Андрей Сергеевичез сюлмысен ӟечкыласьком,  азьланяз но азинсконъёс сӥзиськом.