Якутиысь куноосын пумиськон

Соос ньыль нуналлы Казане стажировка ортчыны вуэмын. Нырысетӥ нуналаз соосыз тодматӥзы Казанен, ортчытӥзы обзорной экскурсия. Кыкетӥ нуналаз вуизы асьме ёросэ, Шор Кушкет шоръёзо школае. 

«Лаборатория управленческих практик: организация профильного обучения в малокомплектных школах» шуыса нимаське вал соослы дасям семинармы. Лыктэм куноосмес тодматӥмы, кызьы школаямы радъяське предпрофильной (7-9 классъёс) но профильной (10-11 классъёс) дышетон. 10-тӥ классын технологической но 11-тӥ классын естественно-научной профильёслэсь ужамъёссэс адӟизы. 11-тӥ классын химиен дышетӥсьмы Григорьева Анна Витальевна «Химические реакции в растворах электролитов» темая урок-практика сётӥз. Директоръёслы туж кельшиз та урок. Соос пусйизы, адӟиське дышетӥсьлэн зол луэмез шуыса. 7-11 классъёсысь дышетскисьёс, Матвеев Олег Николаевич — физикая дышетӥсьлэн кивалтэмез улсын, возьматӥзы асьсэлэсь пӧртэм эскерон уж нуэмзэс. Татын соос ужазы кутӥзы «Точка роста» федеральной программая усьтӥськем центрысь цифровой лабораториез. 

Вераны кулэ, дышетскон ужен артэ туала улон кулэ каре нылпиослэсь пӧртэм исследовательской но проектной уж нуэмзэс. Та уж котькуд ар радъяське школаямы. Кыдёкысь куноосмы но адӟизы тужгес но умой проектъёсты но исследовательской ужъёсты, кудъёсыз школаын гинэ ӧвӧл, мукет научно-практической конференциосын но вылӥ дунъямын вал. Соослэн ужъёссы зэмзэ но тунсыко вал, сое валаны луэ вал куноосмылэн сётэм юанъёссыя но.

Таӵе пумиськонъёс туж кулэ. Соос быдэс ужась коллективлы но, нылпиослы но азьпалан ужаны выль кужым сёто.

Олеся Яковлева, Ӟаны шоръёзо школаысь удмурт кылъя но литературая дышетӥсь.

Туспуктэмъёс: https://vk.com/album-206255182_309216247