Кирпич завод сярысь

Дмитриев Архип (Макарова, Архипова), 1893 арын ссуда басьтыса, ачиз лэсьтӥз кирпич завод. Со вал туж ужаны яратӥсь тыр улӥсь 33 муртэн семья. Ваньзы одӥг коркан улӥллям, ас семьяосынызы пиоссы но. Соослэн луэм ыжгонтугоннизы (шерстобитка — ыжгон тугизы), ю куасьтоннизы (ю тысь куасьтӥзы), ю будэтон понна бусыоссы. 1930 арын Архиповъёслэсь семьязэс раскулачить кариллям. 18.11.2002 арын ТР-ысь Национальной Архивен сётэм архив справка возьматэмъя конфисковать каремын луэм: 3 юрт, 4 кенос, 2 вал гид, лапас, вал, уробо, 15 ыж, ветыл, дӧдьы, тарантас, сиес-сермет, 2 геры, 2 кутсаськон машина, 2 кизён машина, 1 вуриськон машинка, ыжгонтугонни, 4 муш уморто. Собере шерстобойка колхозлэн луэм, 2000-тӥ ар котырын сое пытсазы, со вужмиз, быризы ыжъёс. Азьло отчы лыктылӥзы вал район гуртъёсысь, Малмыж городысь.

Кирпич заводын 50-тӥ аръёсы горд сюез валэн ныркизы. Вагонеткаосын ужаз Никитин Валентин, заливщик — Никифоров Михаил. Кирпичлэсь 3 напольной гур вал. Татын тужгес устоосыз тыршизы — Алексеева Анастасия, Егорова Анисия, Уракова Надежда. Гужем куинь сменаен ужазы.