Кызьы сырьяос праздникъёсты ортчытӥзы

Котькудаз шуымон гуртын куинь шутэтскон нуналъёс куспын пӧртэм ужрадъёс ортчытыны вутскизы. Кылсярысь, Сырья гуртын праздник ужрадъёс кык нунал ӵоже кыстӥськизы — 9 мартэ клубазы дышетскисьёслэн но студентъёслэн, «Сырья зоутъёс» ансамбльлэн но клубзылэн кивалтӥсезлэн, Л. Д. Сапожниковлэн тыршеменызы, 23 февральлы но 8 мартлы сӥзем праздник ортчытӥськиз. Гурт калыклы концертсы мылкыдызъя луиз — сырьяос кужмо кичабонъёсын артистъёслы тау каризы. Мукет нуналаз гуртазы мылкыдтэм луись калык Вӧйдыр праздникез пусйиз (Кисаль Починка гуртысь куноос но вуизы).Бадӟымъёс табань пыжизы, пичиос гурезьысен нискыласа шудӥзы, нош ачиз Леонид Дмитриевич та дыре клубазы арлыдоос понна чай юон радъяз.