НОКУ ПЕРЕСЬМЫНЫ

Школамы котырын дугдытэк кырӟало, 
Бергаса, эктыса горд куаръёс лобало, 
Покчиесь пиналъёс букварьзэс лисъяло - 
Дышетӥсь, дыр ӧвӧл на тыныд пересьмын. 

Нош парта вылтӥмы шунды си тэтчалля, 
Милемлы шулдырак пальпотэ, кырмышъя. 
Ми туж ӝог будӥськом, кыдаськом, озьыен - 
Дышетӥсь, дыр ӧвӧл на тыныд пересьмын. 

Школалэн ӧсъёсыз милемыз кыскало 
Лэсьтӥськон ужъёсы, кизили корабле. 
Азьпалан туж уно тодоно милемлы - 
Дышетӥсь, дыр ӧвӧл на тыныд пересьмын. 

Паськытэсь, шонересь ми азьын сюресъёс, 
Та бадӟым дуннемы - милемлы со ваньмыз,... 
Вӧзады ай будо быдмонтэм пиналъёс - 
Дышетӥсь, дыр ӧвӧл на тыныд пересьмын. 

 МИХАИЛ ПЛЯЦКОВСКИЙ

Берыктӥз Василий Никитин