«Шудо-буро удмурт семья», Россиысь рекордъёсъя книгае пырем вӧсям ӝук…

Нырья черкогуртын ортчись «Гырон быдтонын» кукмор удмуртъёс асьсэ азе Россиысь рекордъёсъя книгае пырымон быдӟалаен вӧсям ӝук пӧзьтон ужпум пуктӥллям. Шумпотыса вераны кулэ, адямиослэсь осконзэс зэматыны быгато соос: 248 килограмм кыскись сӥлё ӝуксы Россиысь рекордъёсъя книгае пыре. Ӝукез пӧзьтон понна кулэ луэм ог 40 кг чабей кеньыр, 15 кг шуккем вӧй но сугон, 20 кг ӟазег сӥль. Та сярысь ивортэ «Татар-информ» агентство.

Кукмор музъемын ортчем «Гырон быдтонын» эшшо одӥг выль ужрад вал — «Шудо-буро удмурт семья» вожвылъяськон.  Та удмурт семьяослы сӥзем конкурс куинь этапен ортчиз: заявка лэзён, быръён но финал. Заявка келям вить семьяос пӧлысь куинез финалын асьсэ кужымзэс эскеризы но устолыксэс возьматӥзы. Балтась ёрослэсь данзэ та вожвылъяськонын Балтась каргуртын улӥсь Ишмурзинъёс утизы но кыкетӥ интыен пусйиськизы. Куинетӥ интыын Мамадыш ёросысь Никитинъёслэн семьязы луиз. Нош вормисе потӥз Кукмор ёросысь Макаровъёслэн семьязы.