Выль нянь сиёнэн!

Удмуртъёслэн улоназы бадӟым инты басьто бусы ужъёсын герӟаськем праздникъёс. Алигес тани Гырон быдтон праздникмес быдэс республика масштабен ортчытӥм. Ю-нянь будӥз, удалтӥз шуыса адске. Октон-калтон ужъёс но кутскизы. Ӵапак та вакытэ удмуртъёс Выль нянь сиён ортчытӥллям. Али дыре со Илья пророклэн нуналаз ортчытӥське. Киров улосын улӥсь удмуртъёс та праздникез ӵошен люкаськыса Слободской ёросысь Светозарево черкогуртын бадӟым карыса пусъё — соослэн но ВЫЛЬ ӜУК нимын ортчытӥське. Люкасько Киров улосысь пӧртэм ёросысь удмуртъёс. Удмуртиысь артистъёс но палэнэ уг кылё. Нош тупал удмуртъёс та праздникез ВЫЛЬ нимало.

Асьме пал удмуртъёс ВЫЛЬ НЯНЬ СИЁН шуо. Али выль кутсам тысез изыса уг вуо, соин ик выль картофка сиён каро.

Одӥг арын Гырон быдтон ортчытыны луымтэен, быдэс районъя ВЫЛЬ НЯНЬ СИЁН радъямы. Шулдыр вал! Одӥг-ог гуртъёсын куд-ог арын выртӥсьсы вань ке, ортчытъяса выро, кулэ вылэм котькуд ар ортчытъяны.

ВЫЛЬ НЯНЬ СИЁНЭН

Вашкала йылолъя огазе люкаськом,
Ымонтэм кӧттыро выль няньмес вӧсялом,
Лӧсъяськоз котырын выль нянь зын — шумпоттоз.
Ь
Нянь гинэ мед луоз, сиисьёс луозы,
Яратон сиёнъёс мылкыдмес ӝутозы:
Немери, картошен перемеч, кутэмнянь...
Ь
Сиёмы-юомы, шулдыртом ваньнамы.
Инмаре-Кылчинэ, Тау сётэм нянедлы!
Ёрмоно медаз лу нокытын нокинлы!
Няракез будэм ю мед пыроз кеносэ! (ред.)
Эн висе, таза луэ, керетытэк улэлэ,
Нянь тӥлед кӧттыр, эмъюм.

Ӟеч сӥзёнъёсын
Карек-Серма гуртысь Василий Никитин