Ёросысь лулчеберетъя юртъёс куспын «Халкым мирасы» («Калыкелэн мирасэз») фольклор вожвылъяськон ортче.
Вожвылъяськон 4 зонаын ортче но Калык огазеяськон нуналлы сӥзем бадӟым концертэн йылпумъяськоз.
28-тӥ коньывуонэ вожвылъяськон ортчиз Ципья лулчеберетъя юртын. Отчы пыриськизы ёросысь вань удмурт клубъёс но лулчеберетъя юртъёс, озьы ик Улисьял гуртысь пор ӵыжы-выжы калыкмы но Биктеш гуртысь крашин эшъёсмы. Соос та нуналэ ас калык сямъёссэс но йылолъёссэс улӟытӥзы.
Сцена вылын возьматэмын вал удмуртъёслэн Акашка праздникез ортчытон, тырын-куар люкан, турнаны потон, ӟазег ишкон, аллак коркан пукон, шорт миськон но дэра гужатон йылолъёс, озьы ик вӧй сиён, армие келян но сюан ортчытон йылолъёс. Поръёс ӝыт пукон сяменызы тодматӥзы, нош крашинъёс каб шуккон ужез тодэ вайытӥзы.
Пыр-почгес та сярысь лыдӟыны быгатоды «Азьлане» газетлэн вуоно номераз.
Нет комментариев