“УҢЫШ БОТАКЛАРНЫ ДӨРЕС КИСҮГӘ ДӘ БӘЙЛЕ”

Баулыда гомер итүче Гөлшат һәм Александр Сотниковлар үзләре яшәгән йорт ишегалдын виноград бакчасына әйләндергән. Бүген алар 45 төр виноград үстерә.
— Виноградны дөрес итеп карый белү — үзе бер сәнгать, — ди Гөлшат ханым. — Безнең якларда бигрәк тә “Алешенькин”, “Чарли”, “Ак” сортлы виноградлар яхшы үсә. Виноград куакларын кышкылыкка җылытыр өчен, башта дөрес итеп кисәргә кирәк. Уңыш бирү дә ботакларны дөрес кисүгә бәйле. Виноградны балаларга, оныкларга таратабыз. Компот, сок ясыйбыз, киптереп, йөзем итәбез һәм төрле ризыкларга кушабыз.

Индира СӘЙФУЛЛИНА

Чыганак