Балтач оешмалары «кара исемлеккә» эләккән

Татарстан Республикасының юл хәрәкәте иминлеге буенча Хөкүмәт комиссиясе машина йөртүчеләре юл хәрәкәте кагыйдәләрен еш боза торган предприятиеләр турында яңартылган мәгълүматларны бастырып чыгарды.

Антирейтингка бөтен республикадан 86 оешма кергән. Әлеге исемлектә Балтач районының  дүрт оешмасы да бар: «Венета» – 62, «МДСУ-1» – 61, «Татарстан» – 53, «Агрофирма Идел» – 53.

Дәүләт автоинспекциясе юл хәрәкәтендә катнашучыларга тагын бер кат мөрәҗәгать итә: юл йөрү кагыйдәләрен үтәү – һәркемнең иминлеген тәэмин итүче төп шартларның берсе. Кемдер хокук бозулар статистикасын арттырса, икенчеләр юлда җаваплылык һәм тәртипне өстен күрә.