Балтачның биш оешмасында эшләүче машина йөртүчеләр юл кагыйдәләрен еш бозганнар

Татарстан Республикасы Хөкүмәтенең юл хәрәкәте иминлеге комиссиясе 2026 елның беренче биш ае нәтиҗәләре буенча юл хәрәкәте кагыйдәләрен бозган өчен җаваплылыкка тартылган оешмалар исемлеген игълан итте.

Кызганычка каршы, Балтач районыннан бу исемлеккә 5 оешма  кергән. «Агрофирма Идел» – 38, «Венета» – 48, «МДСУ-1» – 46, «Татарстан» – 53, «Энергетик» – 40.

Дәүләт автоинспекциясе юл хәрәкәтендә катнашучыларга тагын бер кат мөрәҗәгать итә: юл йөрү кагыйдәләрен үтәү – һәркемнең иминлеген тәэмин итүче төп шартларның берсе. Кемдер хокук бозулар статистикасын арттырса, икенчеләр юлда җаваплылык һәм тәртипне өстен күрә.