Балалар бакчасы мөдирен ялган премияләр язган өчен хөкем итәчәкләр

Әлмәттә яшәүче 48 яшьлек хатын-кыз 2017-2022 елларда шәһәрдә балалар бакчасы мөдире булып эшләгән. Ул табельгә эш вакыты турында дөрес булмаган белешмәләр керткән, шуңа бәйле рәвештә хезмәткәрләргә ялган премияләр язылган, дип яза Татар-информ.

Хезмәткәрләр артык түләнгән акчаны мөдиргә кайтарып биргән. Шундый алым белән ул 670 мең сумнан артык акча урлаган.

Татарстан Прокуратурасы хәбәр иткәнчә, хатын-кыз алдауда һәм мошенниклыкта гаепләнә. Ул үз гаебен танымый.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.