Казанда тикшерүдән соң су белән тәэмин итү өчен артык түләнгән акчаларны кире кайтарганнар

Казанда дүрт йортта яшәүчеләргә салкын су белән тәэмин итү һәм ташландык суларны агызу өчен 661 мең сумга якын акча кайтарылган. Яңадан исәпләүне Татарстан торак инспекциясе тикшергәннән соң үткәрделәр.

Моның сәбәбе – Гудованцев урамындагы 1 нче һәм 3 нче йортларда яшәүчеләрнең, Тунаков урамындагы 43 нче һәм Фурманов урамындагы 25 нче йортларда яшәүчеләрнең мөрәҗәгатьләре. Казанлылар квитанцияләрдә арттырылган суммаларга зарланган.

Инспекторлар исәпләүләр вакытында бер кешегә 6,60 кубометр су нормативы кулланылуын ачыклаган. Шул ук вакытта Гудованцев йортлары өчен – 3,86 кубометр, ә Тунаков һәм Фурманов йортлары өчен – 5,78 кубометр күрсәткече гамәлдә.

Тикшерү вакытында белгечләр «Партнер» идарәче компаниясе һәм «Водоканал» МУП документларын өйрәнгәннәр. Ачыкланган хокук бозулардан соң предприятиегә мондый түләүләрне булдырмау турында кисәтү бирделәр.

Халыкка артык түләүләрне су белән тәэмин итү өчен киләсе түләүләрдә суммаларны киметү аша кире кайтарганнар. Тикшерү материалларын Татарстан Прокуратурасына җибәрделәр.

Татарстан24