Рамил Нотфуллин төзелеш барышы белән танышты
Биналарның эче генә түгел, тышкы күренеше дә танымаслык булып үзгәрә
Район башлыгы Рамил Нотфуллин районның социаль объектларында булып, алардагы ремонт эшләренең барышы белән танышты.
Игътибар үзәгендә — Балтач мәктәбе, заманча универсаль спорт залы, хастаханәнең азык-төлек блогы һәм 1 номерлы балалар бакчасы. Бу урыннарда төзүчеләр көне-төне диярлек эшлиләр, биналарның эче генә түгел, тышкы күренеше дә танымаслык булып үзгәрә.
Рамил Рәшитович эш сыйфатын шәхсән тикшерде һәм төзүчеләргә төп бурычларны искәртте: “Эшне вакытында һәм намус белән башкарырга кирәк. Объектны кулланылышка тапшыргач та, без сезнең белән берлектә тирә-юньне тәртипкә китерергә тиешбез”, — диде ул.
Әлегә барлык объектларда да эшләр план буенча, тоткарлыкларсыз бара. Якын киләчәктә балтачыларны өр-яңа, уңайлы һәм матур биналар көтә!"
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев