Артистлар катнашкан, алып барган мәҗлесләрдә төрле кешеләр очрый. Беркем өчен дә сер түгел: мондый чараларда исерек кешеләр шактый була. Шулай Мөниргә соңгы чыгышларының берсендә исерек кунак бәйләнә башлый.
Кич буе бу бәйләнүләрне түзеп йөргән җырчы, эш йодрыкларга барып җиткәч түзми - үзе дә берне суга. "Минем кулым авыр, теге егет бер сугудан егылды да куйды. Артист кеше көчсез, үзен яклый алмый дип уйлаучылар өчен бу бер сабак булыр" - дип сөйләде Мөнир. Әйтеп үтәргә кирәк, җырчы үзе эчми дә, тартмый да. Киләсе көнгә, сугыш чукмары Мөниргә шалтыратып гафу үтенгән. "Мин аңа ачу сакламыйм" - дип белдергән җырчы "TMTV" телеканалына, дип хәбәр итә Туйлар.ру.
Фото: vk.com
Нет комментариев