Балтачта "Туган тел" җырын татар, удмурт, рус телләрендә башкаралар

Газетабызның электрон вариантында 19 февраль көнне Балтач үзәк балалар китапханәсендә "Кадерле һәм гүзәл Туган телем" дип аталган тематик кичә үткәрелүе турындагы хәбәргә райондашыбыз Василий Никитин үзенең "Национальный гимн "Туган тел" в Средне-Кушкетской школе на празднике посвященном ко Дню родного языка исполнили на трёх языках: на татарском, удмуртском, русском" дигән фикерен калдырган. Бу юлларны укыганда татар халкының бөек шагыйре Габдулла Тукай белән ничек горурланмыйсың ди?!

Балтач - күпмилләтле төбәк. Шуңа да элек-электән татар, удмурт, мари, рус халыклары бердәм булып гомер итә. Удмурт, мари халкына "Афәрин!" дияргә генә кала. Алар үз телләрен, гореф-гадәтләрен саклап яшиләр. Русча, хәтта, татарча да яхшы беләләр, аралашып яшиләр.