БДИ-2026: имтиханнар 1 июньдә башлана — яңа кагыйдәләр һәм тыюлар

Беренчеләрдән булып чыгарылыш сыйныф укучылары тарих, әдәбият һәм химиядән сынау узачак, дип яза «Шәһри Казан».

Рособрнадзор раслаган яңа тәртип буенча, имтихан вакытында кагыйдәләр катгый сакланырга тиеш: катнашучыларга башка укучылар белән сөйләшү, телефоннар, фото-видео җайланмалар, шпаргалкалар куллану **катгый тыела**.

Имтиханга керер алдыннан барлык шәхси әйберләрне махсус урынга калдырырга кирәк булачак.

Укучылар өстәлендә бары тик:
— кара төстәге гель ручка
— паспорт
— рөхсәт ителгән материаллар
— су һәм җиңелчә ашамлык
— кирәк булса дарулар гына булырга мөмкин

Кагыйдәләрне бозган очракта, укучыны имтиханнан чыгарачаклар һәм нәтиҗәләр гамәлдән чыгарылачак.

Резерв көннәр 22–25 июньгә билгеләнгән, ә 8–9 июльдә укучылар бер фәнне яңадан тапшыра алачак.

Искәрмә: рус теле яки математикадан нәтиҗәләр канәгатьләндермәсә, аларны кабат тапшыру мөмкинлеге саклана.