5нче номерлы "Сөенеч" балалар бакчасы районда узган ярминкәдә бик матур сату итте.
Аллаһы Тәгалә: "Сораганга бирермен" дигән бит, без дә бик теләдек һәм ул бирде: нинди матур, чып-чын алтын көзнең бер кояшлы рәхәт көнен! Районыбызның үзәгендә көзге ярминкә гөрләде. Әйе, бай да инде безнең Балтачыбыз: бәрәңге дисеңме, кәбестә... пешкән татлы камыр ризыклары, тана, тавык итләре, ыслаган балыклар, ул балның нинди генә төре юк... санап бетермәслек сый-нигъмәтләр белән тулган иде үзәгебез.
5нче номерлы "Сөенеч" балалар бакчасы да читтә калмады бу ярминкәдән: үз бакчабызда үстергән кәбестә, кишер, суган, кабачкилар һәм башка төр яшелчәләр белән горурланып, сату итәргә чыктык. Чын уңыш бәйрәме иде бу!
.jpg)
Тырышып, булсын дип яшик, хөрмәтле райондашлар, һәрберебезнең өстәлләребез сый-нигъмәт белән тулган бит, шөкер итик, тормышның кадерен белик.
.jpg)
Гөлназ Шакирова,
5нче номерлы балалар бакчасы тәрбиячесе.
Автор фотолары.
Нет комментариев