Нинди витамин җитешми?

Әгәр сезнең шоколад ашыйсы килә икән, димәк, сезгә магний җитешми. Ул чи көнбагыш, чикләвек, банан һәм карабодайда бар, дип яза «Мәйдан» журналы.

Көнегезне камыр ризыкларыннан башка күз алдына китермәсәгез, азотка ихтыяҗ тууы турында уйланыгыз. Ул аксымга бай ризыкларда: иттә, балыкта, кузаклыларда һәм чикләвектә бар.

Әгәр майлы ризыклар яратасыз икән, димәк, сезгә кальций җитешмәскә мөмкин. Кальцийга брокколи, сыр, көнҗет, кузаклылар, сөт һәм әчегән сөт ризыклары бай.

Лимон ашыйсыгыз киләме? Димәк, С витамины һәм кальций тозлары җитешми.

Сәламәт булыгыз!