Балтач көрәшчеләре ел рейтингында призлы урындамы?

Ел нәтиҗәләре буенча беренче бишлеккә кергән командаларга 500 мең, 400 мең, 300 мең, 250 мең һәм 200 мең сум күләмендә акчалата бүләк тапшырылачак.

2023 ел белән чагыштырганда 2024 елда нәтиҗәләрен яхшырта алган командаларны 150 мең, һәм ике 100әр мең сум бүләк көтә. Бүләкләү тантанасы Муса Җәлил истәлегенә узачак турнирда үтәчәк.

Билгеле булганча, 2024 ел сезоны көрәш нәтиҗәләре буенча Чаллы, Әлмәт, Балтач, Арча һәм Казанның Яңа Савин-Авиатөзелеш командалары беренче биш урынны яулады. Шунысын да искәртергә кирәк, быел гомумкомандалар беренчелегендә еллык җиңүчеләр ахыргы бәйгеләрдә генә тәгаен ачыкланды, дип яза Шәһри Казан.