Казанда бар халык Су, Су стихиясе, Кеше һәм Тормыш турында кыйсса күзәтте

Әлеге тантанада Россия Федерациясе Президенты Владимир Путин, Татарстан Республикасы Президенты вазифаларын вакытлыча башкаручы Рөстәм Миңнеханов, Халыкара йөзү федерациясе (FINA) президенты Хулио Маглионе, ТР Дәүләт Киңәшчесе Минтимер Шәймиев һәм башка рәсми затлар катнашты.

Шоу Россия Федерациясе гимны астында чемпионат хуҗасы булган Россия әләмен күтәрүдән башланды. Аннан соң аренага чемпионатта катнашучы илләрнең әләмнәре парады узды. "Пилигрим" дип аталган шоуда исә 200 дән артык балет, цирк, бию коллективлары артистлары, синхрон йөзү осталары, Татарстанның танылган җырчылары катнашты. Су, музыка, яктырткычлар, махсус эффектлар ярдәмендә алар Су, Су стихиясе, Кеше һәм Тормыш турында кыйсса бәян итте, дип хәбәр итә Татар информ.

Фото: http://www.ntv.ru/sport/1448702/