Эш бирүчеләргә кирәкле кадрлар әзерләү өчен ресурс үзәкләрен капиталь ремонтлау программасына 2014-2017 елларда 2,7 миллиард сум акча тотылган.
(Казан, 22 гыйнвар, «Татар-информ», Диана Авакян). 2018 елда Татарстанда 11 ресурс үзәген ремонтлаячаклар. Бу максатларга 681,38 миллион сум акча бүленгән.
Республикада эш бирүчеләргә кирәкле кадрлар әзерләү өчен ресурс үзәкләренә капиталь ремонт үткәрү программасы 2014 елда старт алган иде. Өч елда 31 һөнәри белем бирү оешмасы ремонтланды. Бу максатларга 2,7 миллиард сум акча тотылды.
Яңартылган белем бирү оешмалары нигезендә 2014-2017 елларда 25 ресурс үзәге төзелде.
2018 елда 6 ресурс үзәген оештыру планлаштырыла.
Фото: Т.Волкова
Нет комментариев