Бөрбаш җирлегендә праймериз үтте (фото).

Ильнур, 14 май 2015 - 06:22

2377

Агымдагы елның 13 сентябрендә Татарстан Президентын һәм җирле үзидарәнең вәкиллекле органнары депутатларын сайлаулар булачак.

Бөрбаш җирлегендә праймериз үтте (фото).

Сайлаулар районыбызның бер шәһәр һәм 17 авыл җирлегендә узачак. Депутатлыкка кандидат булырдай иң лаеклы шәхесләрне ачыклау өчен, "Бердәм Россия" партиясе фирка эчендә алдан тавыш бирүләр оештыра. Бүген шундый чараларның беренчесе Бөрбаш җирлегендә үтте. Праймеризда катнашучылар кандидатлар белән якыннанрак танышты, аларның чыгышларын тыңлады.

Бөрбаш җирлегендә партия эчендә алдан тавыш бирүдә 50 кеше катнашты. Депутатлык мандатына 14 кеше тәкъдим ителеп, алар арасыннан 10сы яшерен тавыш бирү юлы белән сайлап алынды.