Зыян күрүчеләрнең икесе дә – ике яшьлек малай һәм 58 яшьлек ир-ат — хәзерге вакытта хастаханәдә.
(Казан, 22 март, «Татар-информ»). Казан үзәгендә, бер бинаның төзелеш басмасыннан кар төшеп, ике яшьлек бала зыян күргән. Бу хакта «Татар-информ» агентлыгына ТР Сәламәтлек саклау министрлыгыннан хәбәр иттеләр.
«Ике яшьлек малай Республика балалар клиник хастаханәсендә ята. Ул үз аңында», - дип белдерделәр матбугат хезмәтендә.
Икенче зыян күрүче – башы җәрәхәтләнгән 58 яшьлек ир-атны 7нче шәһәр клиник хастаханәсенең нейрохирургия бүлегенә китергәннәр. Ул да үз аңында, хәле уртача.
Фото: ГУ МЧС России по РТ
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев