Хезмәт

Балтач районы

18+
2024 - Гаилә елы
Җәмгыять

Казанда яшәүче хатын яңа туган баласын йөз меңгә сатарга маташкан

Мәскәү суды бала сатучы хатынны сак астына алу турында карар чыгарган.

Казанда яшәүче хатын бала тапкан һәм сабыйны Мәскәүдә сатмакчы булган. Бу турыда «Татарстан 24» телеканалы хәбәр итте.

Җинаять эше ачылган. Мәскәү суды бу хатынны 2022 елның 22 гыйнварына кадәр сак астына алу турында карар чыгарган.

Әни кеше нәни улын 100 мең сумга сатарга тели. Ул игъланнар сайтында белдерү яза. Аннары сатып алучы табыла Хатын баланы сатарга Мәскәүгә килә. Биредә ул килешү төзи, баланы башкалада таба һәм сатып алучыга тапшыра. Бала сатучы хатынны шунда ук тоткарлыйлар.

Хәзер сабыйның гомеренә куркыныч янамый. Ул махсус оешмада яши.

«Альтернатива» иҗтимагый хәрәкәте вәкилләре бу турыда социаль челтәрләр аша белеп ала. Алар бала сатучы хатын белән хат языша башлый.

«Әлеге хатын яңа туган баласын сатарга теләвен социаль челтәрләрдән белеп алдык. Аның белән хат языша башладык. Баласын сатарга теләгән хатыннарны ачыклавыбызның беренче очрагы гына түгел инде», — дип сөйли Олег Мельников.

«Альтернатива» вәкилләре шунда ук Мәскәүдә җинаятьчеләрне эзләү бүлеге белән элемтәгә керә. Мельников сүзләренчә, мондый очракларда балаларны криминаль максатларда гына саталар, чөнки мондый сабыйларны рәсмиләштерү бөтенләй мөмкин түгел диярлек, диелә бу хәбәрдә.

Чыганак: Интертат

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: җинаять баланы сату