Айрат Хөсәеновтан каз каклау серләре

 Каклаган каз русча әйтсәк  вяленный була. Халык еш кына какланган белән ысланган казны бутый. Ысланган копченый була, — ди райондашыбыз, Бөрбаш Сәрдегәнендә яшәүче Айрат Хөсәенов.

Каклаган казны әзерләү вакыты шактый озак.

Казларны суйганнан соң, көз көне күп итеп тоз белән ышкып, эченә дә тоз тутырып пергамент кәгазьгә, аннан соң чүпрәккә төреп ким дигәндә дүрт айга тоз сендерергә куябыз. Язлар җитеп, кояш карый башлагач, тоздан арындырып, чистартып кояшка кибәргә куябыз һәм кояшның куәтенә карап ун-унбиш көн киптерәбез.