Хезмәт

Балтач районы

18+
2024 - Гаилә елы
Азьлане

Алимент кызьы тыриське?

Алимент шуиськомы ке, тросэз нырысь ик семьяеныз люкиськем но нылпиезлы алимент тырись атаез син азязы пукто. …вӧл, озьы гинэ ӧвӧл. Алимент обязательствоос анай-атайёс но нылпиос, ӵош улӥсь яке люкиськем кузпалъёс, яке семьялэн мукет членъёсыз (агай, вын, апай, сузэр, бабайёс, песяйёс, внукъёс, вордыны басьтӥсьёс но басьтӥськемъёс...) куспын луыны быгато.

Алимент басьтӥсьёс но тырисьёс куспын правоос Россия Федерацилэн Семья кодексэныз тодмоямын. Законъя, алимент тырон эркын, нош сое басьтӥсь алиментэз басьтонъя яке солэсь быдӟалазэ воштонъя судэ вазиськыны быгатэ. Нылпи (18 аресэз тырмымтэ) ассэ утён понна анай-атаезлэсь но семьяезлэн мукет членъёсызлэсь Семья кодексын тодмостэм быдӟалая алимент басьтыны быгатэ. Со нылпиез вордӥсь муртлы сётӥськыны но нылпиез воспитать карон, дышетон понна кутӥськыны кулэ. Анаен атай ӵош улытэк вордскем нылпилэн но, ӵош улыса вордскем нылпилэн выллем ик правоез вань. Озьы ик анай-атай луон правозылэсь люкон атаез но, анаез но нылпиез вордон ужпумлэсь уг люкы. Семья кодексын возьматэмъя, анаен-атай быдэ вуымтэ нылпизэс вордон сярысь договор гожтыны быгато. Куспазы кенешыса кельшон ӧвӧл вылэм, та ужпумез суд эскере но тыроно алиментлэсь быдӟалазэ тодмостэ:
- одӥг нылпилы уждунлэн яке мукет доходлэн одӥг ньыльмос люкетэз;
- кык нылпилы одӥг куиньмос люкетэз;
- куинь яке солэсь трос нылпилы ӝыныез тыриське.
Нош алимент тырисьлэн доходэз стабильной ӧвӧл ке, алиментлэсь быдӟалазэ одӥг тодмостэм суммаен карыны быгато. Алимент тыроно муртлэн ялан ужан интыез, ялан доходэз ӧвӧл ке, яке алимент басьтӥсь муртлы пайдаез ӧз ке луы, тодмостэм одӥг суммаез яке сое люкыса тырон сярысь постановление кутӥське.
Туннэ со Россиын шоро-куспо уждунлэсь - 31300 манет - потыса лыдъяське. Одӥг нылпилы солэн одӥг ньыльмосэз, озьыен - 7825 манет луэ.
Фото: http://xn-----6kca7ahc7arbi5a3gk9b.xn--p1ai/semeinie_spori
Светлана Сафиуллина
Балтась районъя нырысетӥ номеро суд участокысь
общественной судьялэн аппаратэзлэн консультантэз

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250