Анай кыл — тужгес дуноез та улонын

Анай кыл. Родной кыл. Вордскем кыл. Кыӵе дуно кылъёс та асьмелы.

Дунне вылын ог 6 сюрслэсь пӧртэм кылъёс лыдъясько. Кудӥныз ке трос вераськисьёс, нош асьмелэн удмурт кылмы шергес ни кылӥське. Та туж шӧдӥське берло дыре. Школаямы 21 тулыспалэ, Родной кыллэн нуналэзлы сӥзьыса, пӧртэм ужрадъёс ортчизы.

5-10 классъёсын дышетскисьёс пӧлын «Ворекъяло кизилиос» («Сияют звёзды») кылбуръёсты лыдӟисьёслэн вожвылъяськонзы луиз. Жаляса верано, мылкыд карисьёс ӧжыт вал. «Мон уг быгатӥськы…», «Йыре уг кыльы» но мукет веранъёс вал соос пӧлын. Туала нылпиослэн туж ик малпаськемзы уг поты ни, ваньмыз Интернет вотэсбамъёсын вань. Дорысь ужзэс но капчиен быдэстыны луэ. Озьы ке но, удмурт кылъя дышетӥсьёсмы, покчи классъёсын дышетӥсьёс юн саклык висъяло удмурт кылэз, калык культураез, сям-йылолъёсты утёнлы.

Покчи классъёсын дышетскисьёс мылысь-кыдысь пыриськизы «Кылысь буёлэ» («Из слов в краски») вожвылъяськонэ. Урокъёсын родной кыллэн кулэлыкез сярысь вераськонъёс нуизы.

Оскем потэ, азьпалан анай кылмес гажасьёс тросгес луозы, нылпиос вордскем кылзэс уз вунэтэ, дышетскыны мылкыд карозы. Анай кыл — тужгес дуноез та улонын, асьмелы кулэ сое туж юн утьыны!

Римма Петрова,

Шор Кушкет огъядышетон шоръёзо школаысь удмурт кылъя дышетӥсь