Сентябрьдә арттырылган хезмәт хакы: Татарстанда кемнәр алачак

Татарстанда кайбер кешеләр август өчен арттырылган хезмәт хакы алачак, ул сентябрьнең беренче яртысында түләнә. Бу хакта тулырак – «Татар-информ» агентлыгы материалында.

Арттырылган хезмәт хакына 30 августта эшләгән кешеләр өметләнә ала. Бәйрәм көннәрендә эшләгән өчен хезмәт хакын исәпләү тәртибе РФ Хезмәт кодексының 153нче маддәсендә билгеләнгән. Аның нигезләмәләре буенча, мондый көндә эшләгән өчен хезмәт хакы кимендә икеләтә күләмдә түләнергә тиеш. Шуңа күрә график буенча 30 августта эшкә чыккан татарстанлыларга эш бирүче бәйрәм көнендә арттырылган хезмәт хакы түләргә бурычлы.

Әгәр бу көнне эшнең озынлыгы берничә сәгать кенә, мәсәлән, сменаның яртысы булса, икеләтә түләү нәкъ менә чынлыкта эшләгән вакыт өчен генә каралган. Эш көненең калган өлеше исәпкә кертелми.

Шул ук вакытта, хезмәткәр компенсациянең башка вариантын сайларга хокуклы. Бәйрәм көнендә эшләгән өчен арттырылган түләү урынына өстәмә ял көне сорарга мөмкин. Мондый очракта 30 августта эшләгән өчен гадәти күләмдә түләнә, ә хезмәткәргә өстәмә ял бирелә.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.