Асьме ёросысь удмурт этнокультурной компонентэн школаосын но Удмурт кыллэсь нуналзэ пусъён чебер сямлы пӧрмиз.
«Школаямы Удмурт кыллэн нуналэзлы сӥзем ужрадъёс таяз аре но тунсыко ортчизы, — шуэ Ӟаны школаысь удмурт кылъя но литературая дышетӥсь Римма Николаевна Петрова. — Покчи классъёсын дышетскись пиналъёс понна радъямын вал «Визьлюко шыкыс» шудон. Та шудонъя пиналъёс «шыкысысь» пӧртэм заданиосты поттыса быдэстӥзы. Нылпиослы озьы ик туж кельшиз «Ӟольгыри» шудон но «Ӝӧквыл» интеллектуальной шудонъёс. 5-тӥ классын дышетскисьёс дасязы Ӟаны гуртлэн кылдэмез сярысь исторической сценка. «Визьбугоръёс» интеллектуальной шудонэ пыриськизы 5-11 классъёсысь нылъёс но пиос, нош 7-8 классъёсын дышетскисьёс понна ортчиз кылысь кылэ берыктонъя «Берыкты» шудон. Переменаосын кылзӥмы «Удмурт радио вераське» ужрадэз. Озьы ик чузъяськизы удмурт крезьгуръёс, кырӟанъёс. Та нуналэ ваньмылэн но мылкыдмы ӝутскемын вал. Азьланяз но Удмурт кылмес дышетском, утём но данъялом».
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев