Хезмәт

Балтач районы

18+
2024 - Гаилә елы
Азьлане

«Асьмелэн самой бадӟым янгышмы — нылпиосты кышкатон», — шуэ районысь калыкез дышетонъя управленилэн кивалтӥсез Алия Закиева.

Калыкез дышетон система азьвыл дырысен проблемаослэн трос луэменызы висъяськыса улӥз.

Нош солэн берло аръёсы выллем «пӧземез», одӥг паласен мукет пала «донгаськемез» ӧз луы кадь. Одӥгез «тулкым» лапкаса уг вуы, эшшо но кужмогес «тулкым» ӝутӥське. Выль дышетон методикаос, опыт-экспериментъёс, выль стандартъёс, ужасьёсты кулэстонъёс, оптимизация, выль ЕГЭ... Таиз дышетскон ар калыкез дышетонын луэм тӥни сыӵе воштӥськонъёсын историе пырыса кылёз, дыр. Тани таӵе секыт дыре, кышкатэк, калыкез дышетон удысэн кивалтыны басьтӥськем Алия Юнусовна Закиеваен вераськонмы но ӵапак со направлениын вал.
- Вераськонмес дышетӥсьёсты, воспитательёсты туж сюлэмшугъяськытӥсь - соосты кулэстон ужпум бордысен кутскоме али.
- Нырысь ик сое вераме потэ: та ужпум милемын гинэ герӟаськымтэ. Асьме районын 80-лэсь уно адями кулэстӥськоз шуыса витиське. Арчаын та лыдпус 100-лэсь но уно. Та нылпиослэн лыдзылэн кулэсмеменызы, оптимизациен герӟаськемын. Ми школаослы, нылпи садъёслы конкретной со яке та муртэ кулэстэ шуыса ум вераське, соос та ужпумез асьсэос сэрттыны-пертчыны кулэ. Кулэстонъёс адямиослэн улонэнызы герӟаськемзэ ӟеч валаськомы, соин ик та проблемаез адямиослы луэмезъя капчигес карыса быдэстыны тыршом.
- Нылпиосты нылпи садэ интыян ужпум но сэрттыны-пертчыны луонтэм проблемалы пӧрмыса мынэ.
- Та проблема нылпиослэн лыдзылэн мултэсмыса мынэменызы герӟаськемын. Нылпи садъёсысь кошкись пиналъёс ӧжыт, нош вордскемъёсыз арысен аре мултэсмыса мыно. Нылпи садэ мыноноос электронной черодэ гожтӥсько. Соос арлыдзыя группаослы люкисько. Кыӵе нылпи садэ кӧня пинал лыктоноез азьвыл ик тодмо. Котькуд заявлениез нимысьтыз эскериськом. Кемалась ӧвӧл Тавзар гуртын нылпи сад усьтӥськиз, сӥзьыл Балтасьын 120 пиналлы чаклам выль нылпи сад усьтӥськоз. Таос проблемаез кӧнялы ке кулэстыны юрттозы. Туннэ нуналэ 345 пиналлы направление сётэмын, 440 пинал черодын сылэ.
- Туэ ЕГЭ выль сямен ортчиз. Экзаменъёсы пиналъёсты металлоискательёс пыр гинэ пырыны лэзизы, видеокамераос ужазы, общественной наблюдательёс эскерыса улӥзы. Ваньмыз таос пиналъёс но анай-атайёс пӧлын сюлмаськонъёс кылдытӥзы. Экзаменъёслэн бервылзы кыӵеесь?
- Туэ экзаменъёс реальной картинаез син азе пуктыны луонлык кылдытӥзы. Асьмелэн самой бадӟым янгышмы - пиналъёсты ЕГЭ-ен кышкатон. Соосты кышкатоно ӧвӧл, мукет сямен, стрессэз кулэстон ласянь дасяны кулэ. Дышетсконын тыршем пинал понна ЕГЭ кышкыт ӧвӧл. Туэ школаез йылпумъямъёс пӧлын но 90-92-98 балл люкам пиналъёс луизы. Пиналъёсты нимаз предметъёсъя дасям сяна, дышетӥсьёслы психолог но, социальной педагог но луыны кулэ. Юридической ласянь дасьлык но мултэс уз луы. Вакчияк вераку, пиналъёсты улыны дышетыны кулэ. Нош ик сое вераны кулэ: куд-ог дышетскисьёс туэ но темаез кытысь ке кӧчырыны оскыса улӥзы. Сыӵеос юн янгышазы. Тӥни сыӵеослэн стрессы кужмо луэм, дыр. Экзаменъёс луэм Балтась шор ёзо школаын видеокамераос азьвыл ик интыяськизы. Пиналъёс талы азьвыл ик дышыса мед вуозы шуыса, лябгес дышетскем дышетскисьёс понна нимысьтыз экзаменъёс радъямы. Видеокамера туж шерез понна выль маке луиз. Та туэ гинэ пыртэм вылез ӧвӧл, соин ик дышетскисьёс но, дышетӥсьёс но, анай-атайёс но та экзаменъёслэсь кулэ йылпумъян лэсьтозы шуыса малпасько.
- Туэ гужем шутэтсконэз радъян пумысен но кӧня ке кыл верасалды ке. Пиналъёслэн уноез кытын шутэтскозы: асьме районын-а, палэнын-а?
- Пиналъёслэн тросэз асьме дорын шутэтскозы. Со понна вань кадь луонлыкъёс кылдытыны тыршим. Школаосысь лагерьёс ини 26-тӥ майысен ужаны кутскизы. Отын - 1020, ужъя но шутэтсконъя лагерьёсын 330 пинал шутэтскиз. Таӵе лагерьёсын август толэзе нош ик 80 пинал шутэтскоз. Нош «Романтик» лагерьын 16-тӥ июньысен 22-тӥ июнёзь 90 пинал шутэтскиз. Азьпалан луоно кык сменаын нош ик 246 пинал шутэтскоз шуыса витиськом. Татын сое но вераме потэ: Казаньысь лыктэм нимысьтыз комиссия «Романтик»-лэн дасьлыкезлы вылӥ дунъет сётӥз. Та понна районэн кивалтӥсьёслы, та уже пыриськем котькинлы мур тау каремме вуттӥсько. Рашит Ильясовен кивалтоно коллективлы, та уже активно пыриськем школаослэн коллективъёссылы но тау каронэ пумтэм.
- Вераськемды понна тау. Азинсконъёс тӥледлы.
Вераськиз - Гульсина Гарипова

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250