Атай юртэ, анай кылы

Ӟаны шоръёзо школаысь удмурт кылъя но литературая дышетӥсьлэн Олеся Яковлевалэн тыршеменыз Николай Никифоровлы сӥзем лыдӟонъёсы пыриськем нылпиослэн литературной творчествоя ужъёссы нимысьтыз бичетын инты басьтӥзы

Атай юртэ, анай кылы

Котькуд нылпи вордскем бераз

Шӧдэ небыт вешась киез.

Котькуд нылпи будэм бераз

Мусо вера «анай» кылэз.

Ортчо аръёс но нуналъёс,

Нылпи мынэ ни школае.

Каллен усьтэ школа ӧсэз,

Вазе ас кылыныз «Ӟечбур!»

Улон мынэ весь азьпала,

Тросэз кошко мурт палъёсы.

Атай юртсы, анай кылзы

Уло-выло сюлэмазы.

Михайлова Карина, Кукмор ёросысь Лельвиж шоръёзо школаысь 7-тӥ классын дышетскись,

кивалтӥсез Андреева Людмила Михайловна.

Анай кыл

Анай кыл — удмурт кыл!

Туж мусо чузъяське!

Со сюлэмам ӝуась тыл —

Мылкыды бурдъяське.

Анай кыл анай кадь

Кылӥське пель сьӧрам.

Анай кыл шунды кадь

Мед шунтоз улонам!

Бекчентеев Григорий,

Кукмор ёросысь Средний Кумор шоръёзо школаысь 5 классын дышетскись, кивалтӥсез Шахтина Светлана Степановна.

Возьмалэ, утелэ, данъялэ!

Возьмалэ, эшъёс, тэлез!

Мед будозы писпуос,

Кыстӥськозы инбамозь.

Утелэ, эшъёс, шурез!

Сюэз юзматӥсь ӧрез,

Мед чылкыт луоз вуэз.

Утелэ, эшъёс, лудэз!

Мед сяська котыр будоз,

Ӵуж но вож ворекъялоз.

Данъялэ, эшъёс, кылмес!

Мед будоз со, узырмоз,

Сюлэмез шумпоттытоз.

Михайлова Арина, Кукмор ёросысь Лельвиж шоръёзо школаысь 7-тӥ классын дышетскись,

кивалтӥсез Андреева Людмила Михайловна.

Анай кыл

Дуннее лыктӥ,

Мон сое кылӥ.

Анае туж мусо

Вазиз со кылын.

Дуннеез мон адӟи,

Трос муртэн пумиськи,

Нош анай кылыным

Мон весь вераськи.

Мон ӧй кыл ке кылме,

Мыным туж но мӧзмыт.

Соин ик ас кылме

Мон уг вунэт ноку.

Иванова Екатерина, Кукмор ёросысь Средний Кумор шоръёзо школаысь 11 классын дышетскись, кивалтӥсез Шахтина Светлана Степановна.