Чидатэк витем каникулъёс

Гужем каникулъёс вуэмен валче пришкольной лагерьёс ужаны кутско. Собере «Романтик» лагерь аслэсьтыз ӧсъёссэ усьтэ. Туэ но куинь сменаын: 16 июньысен 22 июнёзь, 25 июньысен 16 июлёзь но 19 июльысен 5 августозь шутэтскыны луоз. Нырысетӥ но куинетӥ сменаын шутэтскыны мылкыд карисьёслэсь списоксэс школаос дышетонъя управление лэзё. Соин ик нылпилэсь кудаз сменае мынэмзэ классэн кивалтӥсьлы азьвыл вераны кулэ. Путёвкаос сярысь дышетонъя управлениысь тодыны луэ. Лагере мынон азьын нырысь ик участковой педиатрлы вазиськоно.

7-тӥ августысен спортэз яратӥсь 60 нылпи палаткаен «Хыял» лагерьын шутэтскыны быгатэ. Со сяна, ужъя центр, гурт хозяйствоя обществоосын договор гожтыса, 300 нылпиез уже интыялоз. …жыт доходэн семьяос районысь социальной дурбасьтонъя отдел пыр нылпиоссэс дунтэк шутэтскон юртъёсы лэзьыны быгато. Пиналъёстылэсь шутэтсконзэс шулдыр но пайдаё каремды потэ ке, туннэысен ик школаосы, районысь дышетонъя управление, егитъёсын ужанъя но спортъя отделэ вазиськыса, нылпиды сярысь информация, заявление сётыны кулэ.