Хезмәт

Дуно Анаймы

Дунне вылын Балтась ёросын интыяськем пичи гинэ, нош туж чебер Вуж Турья гурт. Та гуртын вордӥськем милям анаймы, Римма.

Алексей но Фёкла, та нылашлэн анай-атаез, шӧдытэк ик кылё, кызьы соослэн пичи нылзы школазэ йылпумья.  Нош нылпиос тылобурдо выллем, анай-атай юртысь выль, югыт улонэ лобӟо. Озьы ик милям анаймы но выль улонэ вамыштэ, Арске дышетскыны вуэ. Та кузь сюресэз лёгаса ветлыкуз, со тодматске Юрий нимо егит пияшен, кудӥз со вакытэ ужа колхозын шофёр луыса. Егит пияш одно ик синмаське та веськрес нылашлы, дышетскыны кошкыкуз келяса лэзе, нош выходной вуыкыз, луд сяська бичаса, остановкаын вите вал солэсь бертэмзэ.

Дышетсконзэ умой йылпумъяса, егит нылмурт кошконо каре Казане. Отын ик со ужаны кутске вертолётной заводын.

    Дунне вылын котькуд адямилэн вань аслаз дуно интыез, сое нимало вордскем шаер. Трос егит сюлэмъёс, выль улонэ кошкыса, берен отчы берытско. Вордскем шаер дораз ӧте, шуо. Тӥни милям анаймылэн но сюлмыз уг чида, берен берытске анай-атай гуртаз. Отын ик со кебитьын вузкарись луыса ужаны кутске. Трос ик дыр уг ортчы, Римма но Юрий выльысь огазе луо.

   Одӥг шулдыр гужем нуналэ, сюан гуръёсын чузьяськыса, гуртэ ивор вуэ, Римма но Юрий семья кылдытӥзы шуыса. Табере егитъёс, инмысь яркыт кизилиос выллем югыт пиштыса, ӵошен улыны кутско, асьсэос но анай атай луо. Одӥгез сьӧры мукетыз куинь пиоссы вордско: бадӟымез Радик, шоретӥез Леонид, нош самой покчиез Александр. Табере соос, инмын вить кизилиос луыса, азьлолэсь но югыт пиштыса, улыны кутско. Пиналъёс будо, школаез йылпумъяло, одӥгез сьӧры мукетыз Казане вылӥ дышетскон юртъёсы дышетскыны пыро.  Диплом басьтыса, уже интыясько, семья кылдыто. (Табере ми асьмеос но анай-атай луимы, тӥледыз песянай-песятай каримы).    

Кемалась ӧвӧл милям дуно анаймылы, Кокрова Римма Алексеевналы, куатьтон арес тырмиз. Соин ик ми тыныд сӥзиськом: трос аръёс но трос шумпотонъёс, тазалык но югыт шунды. Дуно анаймы, ми тонэ яратӥськом, туж бадӟым тау тыныд вераськом.

    Тынад дуно адямиосыд.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: