Эскерон дыр вуиз
Районъя туэ ваньзэ 36350 гектарысь ю-нянез октыса басьтыны кулэ. Солэн самой бадӟым люкетэз йыды но ӟег - 12397 но 8793 гектар.
24-тӥ июль нуналэ «Бурнак» но «Кызыл юл» хозяйствоосын ӟегез погыръяны кутскизы. Бусые Бурнакысь механизатор Ильнур Хабибуллин «Е-303», Чутайысь Рамиль Замалиев «Макдон» жаткаосын потӥзы. Нош ини 28-тӥ июле 13 хозяйствоын ӟегез валоке поныны кутскизы. «Игенчеын» 30 гектарысь валэс чабеез кутсазы. 28-тӥ июльлы куд хозяйствоын кӧня гектар ӟег погыръямзы улӥысь сводкаын адске.
|
Бурбаш
|
180
|
|
Смаиль
|
150
|
|
Игенче
|
124
|
|
Яна тормыш
|
100
|
«Маяк», «Сурнай», «Труд», «Уныш», «Активист», Тимирязев нимо хозяйствоосын но ӟегез араны потӥзы.
Туэ октон-калтонын районын ваньзэ 101 комбайн ужалоз. Соослэн 26-ез «Дон-1500», 35-ез «СК-5» маркаё. «Татарстанэ» али районын луымтэ выль «Джондир» комбайн ваизы. Тимирязев нимо хозяйствоын «Тукано-430», «Сурнайын» «Акрос» но «Полесье КЗС-1218» маркаё кужмо комбайнъёс вань. Берлоосыз «Бурбаш», «Игенче» хозяйствоосын но вань. «Макдон» жатка, «Бурбаш», «Бурнак», Тукай нимо хозяйствоосын сяна, ваньмаз но вань.
Туэ октон-калтон одӥг условной комбайнлы шорлыдын 446 гектар бусы тупа. Соосын ю-нянез 32 нуналскын октыса басьтон чакламын.
Сводкаысь нырысетӥ лыдпус - одӥг условной комбайнлы тупам ужлэн быдӟалаез, кыкетӥез - ю-нянез октыса басьтон понна чаклам нуналъёслэн лыдзы.
|
Кызыл юл
|
627
|
45
|
|
Сосна
|
589
|
42
|
|
Бурнак
|
563
|
40
|
|
Сурнай
|
538
|
38
|
|
Активист
|
521
|
37
|
Самой ӧжыт уж - 235 но 375-382 гектар - «Алга», «Дуслык», Тимирязев нимо хозяйствоослэн комбайнъёссылы тупа. Соослэн та луонлыклэсь кызьы пайдаяськемзы - 17-27 нуналскын - октон-калтон быдмем бере адскоз.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84