Хезмәт

Гуртооссы уг вунэто

Кавказ ожъёсын бырыны шедем кык улосчиосмылэн дышетскем школаосазы мемориальной доска усьтӥськиз.

5-тӥ мае ӵукна Балтась шор ёзо школаысь дышетскисьёс, дышетӥсьёс аспӧртэмлыко линейкае люкаськизы.
Сӥё-дано луоно ужрад нимаз ик ӝожмыт пӧрмиз. Нокинэ но мылкыдтэм ӧз кельты, мылкыдэз бугыртӥз. Веранэ военной службазэ ортчыкуз Абхазиын бырыны шедем Айрат Назметдинов сярысь. Балтась школаын умой дышетскем, классысь эшъёсыз пӧлын тыршись, мыло-кыдо луэменыз висъяськыса улэм, каньыл улонын туж кулэ луись ӧнерез (инженер-строитель) быръем, вылӥ тодон-валан басьтыса, вордскем палъёссэ эшшо но чебер карон малпанэн ужаны бертэм пилэн азьпалыз но синмаськымон, оскымон луыны кулэ вал кадь.
Грузия но Абхазия куспысь конфликт зонаын служить карыны тупа солы. Батальонлэн командирезлэн артиллерияя воштӥсез луыса служить карем улосчимы машинаеныз минае шедьыса быре. Кулэмез бере «Мужество» орденэн пусйиське.
69-тӥзэ Быдӟым Вормонлэсь нуналзэ пусйытозь кӧня ке нунал кыльыку, Балтась школалэн борддораз мемориальной доска пуктон кулэ но мылкыдэз бугыртӥсь ужрад луиз. Отчы пыриськыса, асьсэ кылзэс верам район исполкомлэн кивалтӥсез Рамиль Шакиров, школалэн директорез Ильсур Шигабетдинов, Айратлэн ӵош дышетскем эшъёсыз но анаез - Елена Назметдинова, та ӟеч ужез радъясьёслы - «Боевой вынлык» («Боевое братство») Всероссийской общественной огазеяськонысь «Вож биретъёс» группалы тау каремзэс вуттӥзы.
Эшшо одӥг таӵе ужрад Салаусьысь трос профильем лицейын ортчиз. Татын Чечня Республикаын военной службазэ ортчыкуз бырем, озьы ик «Мужество» орденэн данъям гуртозэс Ильнур Насибуллинэз буре вайизы. Гуртоосыз та тыршись, ӟеч сямо но туж чебер, синмаськымон пиез уг вунэто. Лицейысь музейын солы сӥзьыса нимысьтыз одӥг сэрег висъяллям. Гуртысь ужбергатӥсьёс Наиль Мустафин но Ильхам Галлямов сое буре вайыса ӵошатсконъёс ортчытъяло. Аслэсьтыз кылъёссэ лицейлэн директорез Люция Закирова, интыысь аскивалтон ёзэслэн кивалтӥсез Рашит Насибуллин, районысь дышетон управленилэн кивалтӥсез Алия Закиева, «Татарстан» хозяйстволэн кивалтӥсезлэн воштӥсез Рафис Галимуллин, Чечняын служить карыса бертэм Ильнур Мухарлямов, Алмаз Терентьев, районысь дышетон управлениысь специалист Резеда Гаязова, Ильнурлэн анаез Райхана апай, Гульнара но Эльвира апайёсыз та ӟеч ужез радъясьёслы бадӟым тау каремзэс веразы. Бератаз кыказ ик коллективын «Вож биретъёс» концерт возьматӥзы. Та ужрадъёс зэмос патриотической визьнод сётон урокъёслы пӧрмизы, шуыны кулэ.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: