Хезмәт

Балтач районы

18+
2024 - Гаилә елы
Азьлане

«Гырон быдтон» тӥледыз вите!

23-тӥ пӧсьтолэзе Балтасьысь «Сабантуй» шутэтскон паркын удмурт калык праздник — «Гырон быдтон» — ортчоз.

23-тӥ пӧсьтолэзе Балтасьысь «Сабантуй» шутэтскон паркын удмурт калык праздник — «Гырон быдтон» — ортчоз. Праздник кутскоз 13.00 часэн.

Та нуналэ тӥледыз майданын ческыт ӝук, пӧртэм калык шудонъёс, тунсыко вожвылъяськонъёс но капчи мылкыд витёзы. Котьку сямен луозы горшок пыргытон, пу вандон, возьвылтӥ куасэн бызьылон, чорыган, атас но парсьпи кутон, юэн тырмытэм пуйыосты нуллон, канат кыскан, пуйыен жугиськон но трос мукет шудонъёс но вожвылъяськонъёс. Со сяна, празднике лыктэмъёс «Тужгес задор эктӥсь нылкышно» но «Тужгес задор эктӥсь воргорон» конкурсын асьсэлэсь эктон устолыксэс возьматыны быгатозы. Нош эктыны мылкыд одно ик луоз, малы ке шуоно «Гырон быдтонэз» шулдыртозы асьме ёросысь самодеятельной коллективъёс но Удмуртиысь нимысьтыз ӧтем кырӟасьёс: Алина Антонова, Альбина Беспалова, Влад Андреев но Владимир Вахрушев.

Озьыен, гажаса витиськом ваньдэсыз «Гырон быдтон» праздникын! Эн вунэтэ удмурт дэремъёстэс сандыкысьтыды поттыны, шулдыр мылкыддэс сьӧрады басьтыны! Тужгес аспӧртэмлыко удмурт дӥськутэн лыктэмъёсты кузьым вите!

Праздникез радъясь но ортчытӥсь комиссия

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: «Гырон быдтон»