Хезмәт

«Кисыын нуллымон книга-песенниклы тужгес устоез вылбам» улосвылкуспо конкурслэн радыз

Кисыын нуллымон книга-песенник (110*165 мм) кылдытӥське вашкала кырӟанъёсмес но кырӟан-юмшан сямъёсмес вунэтонтэм вылысь.

Песеннике пыртэмын туала калыклы тужгес тодмоесь луэм ньыль чуръем такмакъёс.  Соос пӧлын: лекрут, сюан но зоутэн кырӟанъёс, котырскыса шудон-юмшанъёслы такмакъёс, Евгения Плотниковалэн люкам кырӟанъёсыз...

Пушторсэз: https~://vk.com/doc245270780_561000997?hash=b2564f431ccc708756&dl=66b8cf8cf783dc4c58

Конкурсэз радъясьёс: «Сырья зоутъёс» студия но ВК-ысь «Вужмем» группа.

Конкурслэн ужпумез: лыдӟисьёсты тунсыкъяськытон, егит калыкез удмуртлык ӧре кыскон, удмурт лулчеберетэз азинтон.

Конкурсэ пыриськыны быгато: мылкыд каремзыя котькинъёс. Озьы ик жюрие пырем муртъёс но.

Конкурс радъяське: 17.08.2020 арысен 27.11.2020 арозь куинь этапен:

1-тӥ этап (17.08. - 17.10.2020) — макетъёсты электронпочтае: aludm1@mail.ru люкан;

2-тӥ этап (18.10. - 20.10.2020) — люкам макетъёс пӧлысь жюриос шараяло вить устооссэ;

3-тӥ этап (21.10. - 31.10.2020) — вить усто макетъёс пӧлысь ВК-ын, ОК-ын, Инстаграмын шара быръёнъёс пыр вормись тодмояське.

Макетлы куронъёс:

1. Макетлэн быдӟалаез: 110*165 мм — вылбам, 10*165 мм — корешок;

2. Макетлэн форматэз: jpeg, png;

3. Макетлэн пуштросэз: вылбам песенниклэн пуштросэзлы тупа, шошма удмуртъёслэсь пуш дуннезэс но тусбуйзэс югдытэ. (Со луыны быгатэ группаен усем яке вашкала тус, инкуазь, пужыос, чеберъяськон котыръёс...) Макетын песенниклэн нимыз луыны кулэ (малпано тупась ним!);

4. Макетэз лэсьтыны луэ фотомонтаж амалэн яке фотографической редакторъёсын.

Вормисьлы кузьым: вормисез кузьымен пусйыны чакламын Сырья гурт клубын 27.11.2020 арын песенниклэн презентацияз (воштӥськонъёс луыны быгато). Конкурсэ пыриськемъёс ваньзы улосвылкуспо конкурслэн Дипломеныз пусйисько. Вормисьлы кузьым чотэ сётӥське песенниклэн 20 быртыкез (сое ас учкемезъя вузаны быгатэ) яке коньдонэ берыктыса 10000 манет. Вормисьлэн нимыз Песеннике пыре вылбамызлэн авторез луыса.

Жюри:

1. Сапожников Леонид Дмитриевич — песенникез кылдытӥсь;

2. Шмелёв Алексей Юрьевич — проектлэн кураторез;

3. Данилов Пётр Павлович — Калык кырӟанъя но эктонъя «Айкай» удмурт кун театрлэн директорез;

4. Главатских Мария Аркадьевна — Марий Элысь «Ӟардон» УКФА-лэн устолыкъя кивалтӥсез;

5. Асадуллина Айсылу Айратовна — МБУ «БЦСКС»-ысь эктонъя но кырӟанъя «Балкыш» Калык ансамбльысь хормейстер — палэнысен учкись.

Справкаос телефонъя но ватсапъя (89179348440) яке ВК-я (https://vk.com/id245270780).

 

 

 

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: