Хезмәт

Коляскаен Нальчикозь

Карелиноысь Чулпан Габделганиева улосчиоссэ котькуд ласянь синмаськытыса улэ.

Улон сямыныз, сабыр луэменыз, творческой емышъёсыныз, нюръяськон мылкыдыныз, активной луэменыз... Апрель пумын со Кабардино-Балкарие - Нальчик городэ ичи луонлыкъёсын адямиос пӧлын ортчытӥськись шашкаен шудонъя Россилэн чемпионатаз пыриськиз. Гульшат апаез сое келяса мынӥз.
- Казаньысь тренерлэн Сергей Васильевичлэн пыдыз чигем вал, соин асьме коже гинэ мынӥмы. Ӵошатсконэ мыныны уксёен юрттэм йӧл-вӧй комбинатлэн кивалтӥсезлы Ильшат Нуриевлы, ужбергатӥсь Гульсум Миннебаевалы, районысь спортъя но егитъёсын ужанъя отделлы, Балтасьысь тренерелы Фагиль Гайнетдиновлы бадӟым тау, - шуэ Чулпан. - Поездын тыныд секыт луоз, шуиллям вал: кык сутка мыныны кулэ ук. Табере коляскаен ветлӥсьёс понна нимаз купеос вань вылэм. Сюрес вылын чик но секыт ӧз луы. Нальчикын но ваньмыз кельшиз. Зэм, отчы-татчы ветлыны дыры ӧз луы, соперникъёслэсь кужмо луэмзэс тодыса, ӵошатскон бере но ялан тренироваться кари.
2007-тӥ арын, таӵе ик ӵошатсконэ пыриськыса, куинетӥ интые потӥськем вал. Таяз тужгес ик кужмо спортсменъёс люкаськиллям. Ваньзы шуымон спортъя мастеръёс. 18 пол шудыны тупаз, 27 спортсмен пӧлын кыкетӥ интые потӥ.
Чулпанлэсь Нальчике мынэмзэ тодэмзы бере, тодмоосыз туж паймиллям. Бен, вормон сыӵеослы гинэ пальпотэ уга! Молодец, Чулпан!
Гульсина Гарипова
Туспуктэмез авторлэн

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: