«Конкурсэ шуыса гожтӥськымтэе вал»
«1-тӥ апрель - серекъян нунал» шуэм конкурсэ пыриськисьёслэн лыдзы ушъяськымон ӧй вал ке но, материалъёс вуизы (соос сайтмылэн «Бәйге. 1-нче апрель - көлке көне!» бамаз интыямын вал).
Вормисе потӥз Улын Субаш гуртысь Гульзифар Закиева (туспуктэмын). Утёд ке, Гульзифар апай конкурс сярысь чылкак кылымтэ вылэм. Материалзэ 1-тӥ апрелен валче, оло, газетэ поттозы шуыса гинэ гожтэм. Но гожтэмез туж валамон, калыклы матын, тунсыко, одӥг шокчемен лыдӟыса поттымон пӧрмем.
«Милям Гульзифармы туж быгатӥсь, ялан гожъяське но со, пужыятске но, керттӥське но», шуо со сярысь гуртоосыз. Гульзифар аслаз пужыятэм, керттэм киужъёсыныз быдэс корказэ сяська бакчалы пӧрмытэм. Та коркалэн чеберлыкез, ӝикытлыкез синмаськытэ.
- Конкурсэ шуыса гожтӥськымтэе вал. Куддыръя, дырын-дырын, гожъясько мон, гожъяку капчи луыса кошке, - шуэ вормисьмы.
Ми Гульзифар Закиеваез вань сюлмысен вормонэныз ӟечкыласьком, улонысь эшеныз Равилен валче, нылпиоссылэсь ӟечсэс адӟыса, гажано песяй но бабай луыса улыны мылкыд кариськом.
.jpg)
.jpg)
.jpg)
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84