Хезмәт

Кӧргемъёс клубтэк мӧзмо-а?

Кӧргем гурт сярысь верано ке, соослэн но азьло клубзы луэм, но туннэ нуналэ со уг ни ужа.

- Мазэ веранэз, клуб милемлы кулэ. Но ӧвӧл бере, кытчы пырод. Праздникъёс дыръя калыкен люкаськыса шулдыръяськиськом – кызьы ке но праздник мылкыд кылдытоно ук. Азьло, али кадь тодӥсько на, туж шулдыр вал гуртын, 8-тӥ мартэз но, Выль арез но бадӟым карыса праздник радъяськомы вал. Клубмы ворсаськем бере, ферма коркан фермачиосын шулдыръяськыны кутскимы. Мон малпамъя, ваньмыз ачид бордын со, праздник каремед потӥз ке, одно ик карод. Тани ми, кылсярысь, табере ини Выль ар кадь праздникъёс дыръя Дургае но ветлӥськом, - вера Кӧргемысь Тамарапай Данилова.Нош солэн кузпалыз, Юрик агай, кышноезлэн малпанэныз соглаш ӧз луы.

- Бен гуртын туала дыре егитъёс но ӧз кыле ук ини. Тани, кылсярысь, Кӧргемын 9-тӥ классын но 3-тӥ классын дышетскись нылпиос сяна егитъёс но ӧвӧл, -шуиз пиосмурт.

Мон, солы сётскытэк, юасько:

- Егитъёсты ӧвӧл ке, асьсэос бен кытын шулдыръяськиськоды? Мӧйыосты кытын праздник каро?

- Праздник кароно ке, интыез шеде. Гуртамы егитъёс но ӧвӧл, куное бертӥсьёс но семьяосынызы берто ни, соослэн клубе потыны дырзы ӧвӧл. Шулдыръяськонъёс кулэ ни со, озьы. Но ваньмыз адями бордын. Адямилэн аслаз мылыз потӥз ке, нокыӵе клуб но кулэ уз луы, дыр.

Кӧргемысь Инна Наздекова, Ципья шоръёзо школаын 9-тӥ классын дышетскись ныл но аслэсьтыз мылкыдъёссэ вераз:

- Одно ик клуб гуртлы туж кулэ. Милям гуртмылы гинэ ӧвӧл, вань гуртъёслы но. Малы ке шуоно ӝытъёсы дырез ортчытыны интыосмы но ӧвӧл асьмелэн. Дискотекаосы но потыны уг луы, праздникъёсты но ортчытон понна нимысьтыз инты кулэ ук. Клубмы луысал ке, тросэз гурт калык пыриськысал, малпасько, ужрадъёсы. Малы ке шуоно кулэ каро асьсэос сыӵе праздникъёсты.

Теги: клуб
Нравится
Поделиться:
Реклама
Комментарии (0)
Осталось символов: